Rusiyalı ekspert Yevgeni Xaritonov mobil telefon itən zaman nə etmək lazım olduğu barədə danışıb.
Onun sözlərinə görə, “iPhone” smartfonları və “Android” cihazları arasında “iPhone”da daha etibarlı axtarış sistemi var, lakin hər iki halda smartfon izləmə sistemləri əvvəlcədən aktivləşdirilməlidir. “iPhone”da parametrlərdən “iPhone”u tap” bəndini aktivləşdirmək lazımdır, “Google” smartfonlarında isə “Cihazımı tap” seçimi standart olaraq aktivdir.
“Mobil telefonu itirsəniz, yaxşı bir insanın cihazı tapması ümidi ilə smartfonunuza zəng edin. Dərhal görüş təşkil etməyi bacarsanız, şanslısınız. Əks halda onlar ya zəngə cavab verməyəcək və smartfonu sıfırlamağa, ya da cavab verib ekranın kilidini açmaq üçün PİN kodu tapmağa çalışacaqlar.
“Apple” cihazlarına gəldikdə, heç kim zəngə cavab verməsə, “itirilmiş rejimi” aktivləşdirməlisiniz (bu zaman itirilmiş smartfonun ekranında əlaqə nömrəsi və sahibinə zəng etmək tələbi göstərilir) və smartfonun batareya bitməzdən əvvəl tapılıb qaytarılacağına ümid etməlisiniz. Qaytarılmasa, deməli smartfon cinayətkarlar tərəfindən tapılaraq ehtiyat hissələri kimi satılacaq”, - deyə ekspert bildirib.
Oxunub: 97